Top Sielkundige in Pretoria Bied Nou Ook Sessies Aanlyn
Vroeg in 2020 is die wêreld is op sy kop gedraai vir die oorweldigende meerderheid van ons. Nie net moes ons gewoond raak aan die dreigende gevaar van ‘n wêreldwye pandemie nie, maar ons vryheid van beweging ook aansienlik ingeperk. Ewe skielik moes alles – van werk tot speeltyd tot selfversorging – tuis geskied. Dr. Tienie Maritz, ‘n sielkundige in Pretoria, het besef dat mense steeds terapie en ondersteuning gaan benodig – nou dalk meer as ooit – en het sy dienste aangepas sodat die wat dit nodig het, aanlyn toegang kan kry.
Vir dié wat dit verkies en in die omgewing is, is Dr. Tienie Maritz steeds beskikbaar vir sessies van aangesig tot aangesig by sy spreekkamer in Pretoria. Dit is wel die moeite werd om die voordele van ‘n aanlyn sielkundige te oorweeg:
- Jy spaar tyd: Jy hoef geen meer tyd af te staan aan die reis tot daar en terug nie. Geen verkeer, geen soek vir parkeerplek, en geen betaling vir parkering nie. Al wat jy benodig, is toegang tot die Internet.
- Makliker toegang: Omdat jy nie hoef te reis nie, het jy nie ‘n kar nodig nie. Dit maak dit baie makliker vir dié wat nie vervoer het nie, of wat sukkel om rond te beweeg. Jy hoef ook glad nie te bekommer oor uitgaan as die weer sleg is nie.
- Gemak: Jy kan die sessies bywoon in die gemak van jou eie huis – jóú spasie, jóú gunsteling bank, stoel of vertrek, en jóú gemaksone. Dit kan selfs help om jou op jou gemak te plaas sodat jy maklike gesels en veiliger voel om meer te deel.
- Enige plek: Nie net kan jy hierdie sessies in die gemak van jou eie huis bywoon nie, jy kan dit van enige plek af doen. So, as jy buite Pretoria moet reis vir werk, wil weggaan vir ‘n paar dae, of êrens vashaak, hoef jy nie meer ‘n sessie met jou sielkundige te mis nie.
‘n Terapeut wat jou behoeftes pas
Dr. Tienie Maritz is ‘n gevestigde sielkundige wat al vir jare werk vanuit sy praktyk in Pretoria. Hy is hoogs gekwalifiseerd en paar hierdie kundigheid met ‘n diepe meegevoel vir sy medemens. Hy glo dat almal die geleentheid verdien om na ‘n beter lewe te streef, en help graag waar hy kan om dit ‘n werklikheid vir sy pasiënte te maak.
Hy sien graag individue, paartjies, en families, en help ook met onderwerpe soos traumaberading en beroepsontwerp.
As jy opsoek is na ‘n sielkundige in Pretoria, kontak Dr. Tienie Maritz se spreekkamer vandag nog.
Sources:
https://www.theraplatform.com/blog/249/advantages-of-online-therapy
https://www.verywellmind.com/advantages-and-disadvantages-of-online-therapy-2795225
