Hoe om ‘n Sielkundige in Pretoria te Vind Wie Reg vir Jóú Is
Om ‘n sielkundige in Pretoria te vind, is nie ‘n moeilike taak nie. Maar om die regte een te vind wat die nodige vertroue inboesem, by wie jy gemaklik voel, wie jou kan help met die rede waarvoor jy hulp soek, en wie skedule met joune ooreenkom, verg egter bietjie meer werk.
Dis ongelooflik belangrik om die regte sielkundige te kies, maar met so baie opsies in Pretoria om te oorweeg, waar begin jy?
Ons lys ‘n paar belangrike aspekte hieronder waarna jy moet kyk wanneer jy jou keuse maak. Let wel: die proses bestaan uit twee fases – die eerste help jou om vooraf ‘n gepaste terapeut te identifiseer, terwyl die tweede fase tydens die eerste sessie saam jou help bepaal of die terapeut gepas is vir jou:
- Dinge om te oorweeg vóór jy ‘n sielkundige kies
- Maak seker dat die terapeut wie jy oorweeg ‘n erkende kwalifikasie van ‘n betroubare instituut het.
- Vind uit of hulle met die tipe kwessies waarmee jy worstel, werk. Sekere sielkundiges fokus slegs op spesifieke areas, soos verhoudings, opvoeding, trauma, ensovoorts.
- Bevestig die koste van die sessies – in meeste gevalle is dit nodig om vir ‘n aantal sessies te gaan. Jy wil nie jou vordering in die wiele ry deur onvoorsiene kostes nie.
- Indien van toepassing, vind uit of jou mediese fonds die kostes van jou verkose terapeur sal dek.
- Maak seker jy weet presies waar die sielkundige in Pretoria geleë is, en dat jy maklik daar kan uitkom met jou eie of publieke vervoer.
- Sekere sielkundiges bied ook aanlynsessies aan. Indien dit jou sal dien, vind uit of die terapeut wie jy oorweeg, sulke sessies aanbied.
- Dinge om aan aandag te gee gedurende die eerste sessie:
- Voel jy gemaklik in die sielkundige se teenwoordigheid?
- Is die atmosfeer vir jou aanvaarbaar?
- Dink jy jy sal die persoon ten volle kan vertrou?
- Gee die persoon aandag aan wat jou behoeftes is?
- Hou jy van hoe hy of sy jou behandel?
- Tree die persoon professioneel op?
Die belangrikste is om te onthou om na jou eie instinkte te luister. Jy doen nie jouself óf die sielkundige ‘n guns om aan te hou met sessies as jy nie gemaklik voel nie. Daar is genoeg ander opsies in Pretoria om van te kies.
Dr Tienie Maritz is een van die opsies om te oorweeg. As ‘n gevestigde en hoogs-gekwalifiseerde sielkundige in Pretoria, bied hy ‘n verskeidenheid van dienste. Sy menslike benadering en respek vir sy kliënte maak dat hy in groot aanvraag is. Om meer uit te vind, kontak Dr Tienie Maritz se kantoor vandag nog.
Sources:
https://www.tieniemaritz.co.za/
https://www.medicalnewstoday.com/articles/how-to-choose-a-psychologist#how-to-choose
